Mig langar til að setja hér á blað nokkur orð um leiðbeinendur, leiðbeinendur eru þær verur kallaðar sem ganga með okkur á andlegasviðinu og reyna að hjálpa okkur og leiðbeina, allir hafa leiðbeinenda sér til hjálpar, þessi vera kemur til okkar þegar við fæðumst og tekur á móti okkur þegar við yfirgefum jarðvistina, þessi vera er ekki ættingi eða skyldmenni heldur er til staðar frá því jarðvist er ákveðinn og hjálpar okkur að undirbúa hingað komu okkar.

Þessi vera gengur undir mismunandi nöfnum því sumir kalla þær verndarengil, aðrir stjórnanda og enn aðrir dyravörð, en í raun eru þetta það sem þessi vera gerir okkur til hjálpar.

Ætingar og skyldmenni ganga með okkur á andlegasviðinu og kalla ég þá hjálpendur, því að ætingar velja oftast að hjálpa okkur eftir að þeir fara héðan úr jarðvist, en leiðbeinendur hafa valist áður en við komum inn í jarðvistina.

Ef við skoðum hvernig leiðbeinendur birtast okkur, þá er það ekki líklegt að við munum sjá þá í sömu mynd og eitthver annar því að þeir birtast okkur frá þeim tíma sem við þekkjum þá, en það þarf ekki að vera sú mynd sem þeir kjósa að birtast öðrum, hvers vegna er eðlileg spurning?

Vegna þess að þeir birta sig alltaf í þeirri mynd þar sem þeir náðu að birta mestan þroska í holdi, það aftur á móti þarf ekki að hafa verið á sama tíma og við þekktum þá í holdi, en þar sem við erum oftast nær alltaf bundin við að vilja sjá þá í holdlegri manns mynd þá verðum við að sætta okkur við þennan mun og læra þannig sjálf að meðtaka okkar leiðbeinendur þó við getum fengið til þess hjálp þeirra sem við treystum.

Hverjir eru leiðbeinendur?

Það eru nánast allar þjóðfélagsstéttir sem ganga sem leiðbeinendur en þessar eru kannski algengastar, munkar og nunnur koma oft þar að sem vantrú er og þá bæði í Guðs trú og ekki síður vantrú á eiginn getu, munkar eru bæði kristnir svo og af öðrum trúarbrögðum, einnig eru þar kennimenn úr öllum trúarbrögðum svo og frá öllum tímum líka síðan fyrir nútíma trúarbrögð, síðan er í þessum hóp sem eru leiðbeinendur Indíánar, margir hafa talað um að það væri einskonar tísku sveifla hversu margir hefðu með sér leiðbeinanda af ættstofni Indíána, ég vill aðeins segja að fólk skildi skoða fyrir hvað Indíáninn stendur (sem er samband manns og jarðar, því fáir eða einngin hefur náð betra jafnvægi þar á heldur en Indíáninn) og sér þá kannski að það er einngin tilviljun.

Svona sé ég þessa hluti, ég vill að lokum taka fram að þegar ég tala um leiðbeinendur er ég að tala um þá sem með okkur ganga og eru að kenna okkur, síðan getu verið að ef við förum að vinna við að hjálpa öðrum að þá komi aðrir sem verða tengiliður okkar í ljósinu og eru þeir oft með mörgum aðilum á sama tíma til að vinna ákveðinn verk.